jueves, 30 de mayo de 2019

sábado, 4 de mayo de 2019

Batido de amorodos

Cós primeiros amorodos que nos trouxo Antonio para a merenda celebramos a chegada da primavera. E agora xa temos a sorte de comer os da nosa propia horta.

lunes, 22 de abril de 2019

ANIVERSARIO DE LEO

Antes de rematar o segundo trimestre celebramos na aula o aniversario de Leo, que xa ten 5 anos. Os compañeiros e compañeiras fíxéronlle unha fermosa coroa e tamén unha tarxeta de felicitación. Xuntos preparamos a torta de chocolate para celebralo.

martes, 19 de marzo de 2019

Aniversario de Érica

O xoves da semana pasada celebramos na aula o aniversario de Érica, que xa ten 4 anos. A súa avoa Feli trouxo un rico biscoito e compartiu con nós esta celebración. Xuntos vimos o albúm de fotos de Érica dende que estaba na barrigiña da súa mamá e fomos vendo como medrou ata agora. A súa avoa tamén nos contou cousiñas de cando ela viña ao cole de Estás e que facían na aula e no recreo cando ela era nena. Moitas grazas por compartir estes momentos con todos nós e a súa mami Verónica por seleccionar as fotos tan bonitas que nos trouxo á aula.

domingo, 3 de marzo de 2019

TEMPO DE ENTROIDO

Dende fai duas semanas estamos preparándonos para a festa do entroido. As familias e os pequerrechos e pequerrechas estiveron na aula facendo os disfraces de polbos e durante esta semana cumplimos os mandatos da nosa "Meca Iris". O venres foi un día moi especial para todos nós, pois ibamos todos os nenos, nenas e profes do CRA  ao cole Pedro Caselles, onde iban a estar outros profes, irmáns, curmáns e compañeiros mariores. Con eles desfilamos e disfrutamos deste fermoso día, acompañados de moitas das nosas familias.



domingo, 24 de febrero de 2019

Paseo pola contorna. De visita á casa de Érica e de Raúl

Non hai nada mellor que un paseo pola contorna, percorrendo os barrios, saúdando aos veciños ao pasar e amosándolle aos compañeiros e ás profes algo tan importante como as súas casas , os seus xoguetes e os seus animaliños. Esto fixémolo nós fai uns días e a experiencia foi fantástica. Moitas grazas á familia de Raúl e á de Érica pola invitación e pola súa atención


.

viernes, 15 de febrero de 2019

DESCUBRINDO A NOSA LINGUA E VIVINDO NOVAS EXPERIENCIAS

Fai uns días chegaba unha nova proposta dende o equipo de dinamización lingüistica. A nosa amiga Iris, deixounos unha nova palabra para investigar "PARROCHA". E esto é o que nun primeiro momento pensaron:
Despois puxémonos a investigar e pedimos axudas ás familias, enviándolles un audio os nenos e nenas. Grazas á axuda de varias mamás, descubriron que "parrochas" era o mesmo que en Tomiño lle chaman "xoubas". E para que a experiencia fose máis vivenciada trouxemos á aula xoubiñas da praza de Tomiño (que nos regalou o peixeiro) para poñer a proba os nosos sentidos: observámolas, ulimos, tocamos para limpalas e despois de fretilas, fixemos con elas unha rica merenda.

domingo, 27 de enero de 2019

GOMINOLAS DE MANDARINA E LARANXA CON AGAR AGAR

No noso taller de cociña descubrimos un novo ingrediente, relacionado có mar: o Agar Agar, un alimento nutritivo que se obtén de diferentes algas mariñas e se utiliza como sustituto vexetariano da xelatina. Nós utilizamolo como espesante para facer as nosas gominolas de laranxa e mandarina.


viernes, 18 de enero de 2019

Aniversario de Laura

Hoxe estivo de cumple Laura, a primeria das pequerrechas de Estás , que cumple catro anos. Grazas á súa mamá e a Brais, o seu irmán que fixeron unha rica tarta de chocolate para nós e tamén á súa avoa Tuita, que veu compartir o momento do cumple á aula. Parabéns Laura!



Tempo de inverno, tempo de nadal

Co remate do outono e a chegada do inverno, nas rúas respirábase aire de festa. Na nosa escola tamén quixemos rematar o trimestre e comezar o seguinte de maneira especial. E así o fixemos:



sábado, 22 de diciembre de 2018

PRIMEIRO TRIMESTRE

Comezamos a nosa andaina no blogue con un pequeno resumo gráfico do acontecido neste primeiro trimestre (celebración do Samaín, aniversarios de Adrián e Raúl, posta en marcha da nosa horta coa colaboración das familias e a colocación das nosas tellas decoradas o curso pasado coa axuda de Ada, da súa irmá e de Luis, o seu papá).





sábado, 16 de junio de 2018

AUTORRETRATOS

Despois de ir vendo ao longo do curso autorretratos de diversos artistas, chegou a hora de que os artistas e as artistas de Estás fixeran o seu propio autorretrato e aquí están os nove. Adiviñade quen é quen

lunes, 11 de junio de 2018

VISITA DOS NOVOS COMPAÑEIROS

O xoves da semana pasada tivemos a visita de cinco nenos e nenas de 2 e 3 anos que viñeron a coñecer xunto coas súas familias o que será o seu cole de maiores a partires de setembro.
Entre todos preparámos unha rica merenda (galletas de chocolate e brochetas de froita, algunha da nosa horta). Tamén lle fixemos unhas tarxetiñas có seu nome e pintamos as letras do seu nome e pedras. Como agasallo especial levaron cada un unha pequena árbore das sementes que plantamos este outono para que a coiden durante o verán e a volten a traer ou para que a planten na súa casa segundo desexen. Presentámonos, cantamos unha canción, compartimos xogos nos recunchos da aula, merendamos e como despedida a profe Betlén contounos un fermoso conto. Foron dúas horas moi intensas e emocionantes.

jueves, 24 de mayo de 2018

Agradecemento polo arranxo do noso super bambán-neumático

Fai unhas semanas apareceu cortado e descolgado o bambán do cole e tirados os troncos nos que xogamos a facer equilibrios. Levamos un bo desgusto  e, os papis de Erik, que foron quenes o construiran para nós, levárono para arranxar e xa está de novo colgado.  Quixemos darlles as grazas e aproveitamos para pedir que non o rompan de novo, porque os nenos e nenas pequenos disfrutan moito nel. O patio do noso cole é un lugar para disfrutar e coidar entre todos.

O xardín segue medrando

Fai uns días Alva, a avoa de Sergio veu compartir con nós un par de horas e a facer que o noso xardín siga medrando. Trouxo moitas prantas e preparou a terra para que os peques e as profes plantásemos. Esperamos ter pronto un fermoso xardín cheíño de flores e fermosas prantas. Moitas grazas por este agasallo.


jueves, 10 de mayo de 2018

Aniversario de Xoel González

Hoxe celebramos o aniversario de Xoel González, que xa ten seis anos. Estivemos acompañados polo seu papi, a súa mami e a súa irmá pequena Uxía. Trouxeronnos unha rica torta de chocolate e tivemos música en directo a cargo do profe Martín e do seu papi Eder, cós que estamos ensaiando para o día das letras galegas. Tamén tivemos a sorte de que estaba a profe Betlén con nós. Como xa é habitual os compañeiros e compañeiras fixéronlle unha fermosa coroa e tamén unha tarxeta de felicitación que lle entregaron xunto coa tarxeta que nos enviaron os avós e avoas do centro de día.
Puidemos disfrutar tamén da historia fotográfica de Xoel dende o seu nacemento ata os dous anos.

domingo, 6 de mayo de 2018

ANIVERSARIO DE MANUEL

Manuel xa ten seis anos e para celebralo veu a súa avoa con Noemí, que é a súa irmá pequena. Tomamos unha rica tarta de chocolate que fixeron Manuel e a súa mami e os compañeiros fixéronlle a coroa e unha fermosa tarxeta de felicitación. Tamén lle entregamos a tarxeta que nos enviaron os avós e avoas do centro de día para el e para rematar a xornada a súa mami Miriam veu a compartir con nós un pouco da historia familiar,amosándonos as fotos dende o embarazo ata o seu primeiro ano de vida.




martes, 1 de mayo de 2018

Novas experiencias rupestres

Para rematar o noso pequeno proxecto rupestre escribimos e debuxamos con plumas e fixemos as siluetas das nosas mans en negativo  como facían na época prehistórica.

Seguimos prantando, coidando e transformando o noso patio


jueves, 29 de marzo de 2018

A NOSA HORTA

Fai unha semana preparamos a nosa horta. Laura, a mami de Erik veu sachar a terra e as familias trouxeron moita variedade de prantas para comezar a traballar. Prantamos patacas, berzas, allos, cebolas, cenouras, guisantes, leitugas, acelgas, tomates, allos porros e tamén  algunhas árbores: unha maceira, un aguacate e un loureiro que naceran na nosa horta e  un arce que nos trouxera Luis, o papi de Ada. Prantamos tamén hortensias na zona do xardín e cando voltemos á escola faremos etiquetas para identificalas todas e seguiremos poñendo sementes na terra para ver como nacen e como van medrando. Grazas a todas as familias que colaborastes nesta aventura e ao concello que atendeu a nosa demanda, traendo e extendendo a terra.

domingo, 18 de marzo de 2018

Arte rupestre

Durante o outono e inverno estivemos recollendo materiais da natureza e as familias tamén nos aportaron algúns para poder manipular e experimentar con eles.Alba, a mami de Xiana e Leyre veu á aula para amosarnos tintes e produtos naturais que se empregan para tinguir e maquillar.a través destes materiais e de outros como libros e videos achegámonos as formas de organización e formas de vivir, ás vivendas e á actividade humana na prehistoria.


Deseño e creación de xoias rupestres

Despois de manipular e disfrutar coas conchas do mar decidimos dar un paso máis e elaborar as nosas xoias rupestres coas conchas e con boliñas de arxila que fixemos e pintamos con tintes naturais.
Para elo, seleccionamos, medimos, cuantificamos, deseñamos e executamos, poñendo en práctica moitas habilidades e competencias.

sábado, 17 de marzo de 2018

miércoles, 14 de febrero de 2018

Entroido 2018

O entroido xa rematou e aquí vos deixo un resumo de como vivimos esta semana na escola de Estás.

Día a día fomos cumplindo os mandatos de Iris e mentras esto acontecía na escola, familias, profes e nenos e nenas ibamos dándolle forma aos disfraces de "Velázquez e meninas" que luciríamos no día da festa, que compartimos cós compañeir@s e profes de Amorín e Seixo 2. Agradecer a todas as familias da aula e aos profes todo o traballo feito para puideramos lucir estes fermosos disfraces e por preparar tan rica merenda. Tamén dar as grazas á profe Sara por acollernos na súa aula de Seixo e preparar as actividades da mañá de entroido.


domingo, 11 de febrero de 2018

Día da PAZ en Estás

O pasado 30 de xaneiro celebramos o día da Paz na escola de Estás cós compañeiros e compañeiras das escolas de Amorín e de Seixo 2, que viñeron acompañados das súas profes Tania e Sara. Tamén estivo con nós a profe Ana e recibimos a visita da profe Lorena, que veu contarnos a fermosa historia do "Lápis máxico de Malala"


domingo, 7 de enero de 2018

Munch, medos e monstros

Ao longo de esta semana iremos amosándovos algunhas das actividades que fixemos na escola de Estás no primeiro trimestre .Enmarcado no proxecto de arte, no mes de novembro traballamos os nosos medos a través da figura de Munch. Os nenos  e nenas puxéronlle título á obra "El grito", antes de saber o título real; falamos do que lle suxería, das cores e reproducimos a obra coa súa imaxe como protagonista. Falamos e debuxamos os nosos medos e traballamos a simetría e as cantidades creando monstros a partires das tres cores básicas con unha actividade proposta  no libro "Diviértete, talleres de arte" de Hervé Tullet.



jueves, 4 de enero de 2018

Unha etapa do camiño

A finais do mes de outubro a profe Marga de relixión organizou unha saída dende a escola ata a igrexa de Estás, na que aproveitamos para ter unha xornada de convivencia cós nenos e nenas e coa profe Maribel da escola de Barro. Nesta saída estivemos acompañados tamén polo profe Dani , por Manuel Garcés e por Eder, o papi de Xoel, que colaborou con nós colocando as pistas que tiñan que descubrir os nenos e nenas e acompañándonos no camiño. E non podía faltar "Deba", a estrela-guía da clase de relixión.
Nesta saída traballamos varios elementos relacionados coa peregrinación (miliario, frechas amarelas, cruceiros, incenso), e descubrimos elementos artísticos como as vidreiras da igrexa de Estás.
A profe Marga levou tamén un tazón tibetano e diversas campás para reproducir sons . Traballamos as cores, os olores e as cantidades a partires das rosas que atopamos nos arredores da igrexa e de volta ao colexio recollemos elementos da natureza para levar á aula. En días posteriores decoramos as cunchas de vieira que a profe nos deixou.

jueves, 30 de noviembre de 2017

QUEIMASE O MONTE, ARDE GALICIA

Aquí vos deixamos a visión dos nenos e nenas de Estás do acontecido, non fai tanto tempo nos nosos montes e na nosa contorna. Cada un deles tivo unha visión diferente do acontecido, pero ningún quedou impasible. Coa dor nos nosos corazóns ainda presente, esperemos que non volte a acontecer nada igual.

jueves, 23 de noviembre de 2017

ANIVERSARIO DE XIANA

E esta semana un novo aniversario. Xoama. a máis pequerrecha do grupo dos maiores xa ten por fin cinco anos e celebrámolo coa súa mamá que nos trouxo unha rica torta.

martes, 14 de noviembre de 2017

ANIVERSARIO DE XOEL TÁBOAS

En Estás seguimos celebrando os aniversarios do outono e hoxe celebramos o de Xoel Táboas, que xa ten 5 anos.
A súa avoa veu acompañarnos e traer a rica torta que preparou con moito cariño a mami de Xoel.
 

domingo, 29 de octubre de 2017

Aniversario de Sergio

Remata o mes de outubro e Sergio acaba de celebrar o seu sexto aniversario. Os seus compañeir@s cumpliron os desexos que Sergio pediu para a súa coroa e a súa mami preparou para todos nós unha rica torta .

miércoles, 18 de octubre de 2017

Celebramos o aniversario de Erik e Ada

No mes de setembro Ada cumpriu 4 anos e Erik 5. Acompañados polas súas mamis, que fixeron unas tortas moi ricas celebramos o seu aniversario. E os seus compañeiros e compañeiras agasalláronos coas fermosas coroas e unha tarxeta de felicitación para cada un.
 
 
 

QUE FIXEMOS OS PRIMEIROS DÍAS DE COLE?

Nos primeiros días de cole tivemos momentos para o reencontró, para coñecer a novos compañeiros e compañeiras, para preparar os nosos casilleiros e percheiros, para xogar dentro e fora e mesmo para traer á clase ás nosas mascotas